الله ُأَكْبَرُ – الله
ُأَكْبَرُ – الله ُأَكْبَرُ – الله ُأَكْبَرُ – الله ُأَكْبَرُ – الله ُأَكْبَرُ -
الله ُأَكْبَرُ – الله ُأَكْبَرُ – الله ُأَكْبَرُ الله ُأَكْبَرُ كَبِيْرًا،
وَالحَمْدُ لِلّهِ كَثِيْراً، وَسُبْحَانَ اللهِ بُكْرَةً وَأَصِيْلاَ. أَشْهَدُ
أَنْ لاَإِلهَ إِلاَّالله ُ لاَشَرِيْكَ لَهُ وَأَشْهَدُ أَنَّ سَيِّدَناَ
وَمَوْلاَناَ مُحَمَّدًا عَبْدُهُ ورسوله، اللَّهُمَّ صَلِّ وَسَلِّمْ وَباَرِكْ
عَلىَ سَيِّدِناَ مُحَمَّدٍ وَعَلَى آلِهِ وَأَصْحاَبِهِ وَمَنْ تَبِعَهُمْ
بِإِحْسَانٍ إِلىَ يَوْمِ الدِّيْنَ.
اِتَّقُوااللهَ حَقَّ
تُقَاتِه، وَلاَتَمُوْتُنَّ اِلاَّوَاَنْتُمْ مُسْلِمُون.
وَقَالَ لَهُ اللهُ تَعَالَى
في القُرْأنِ الكَرِيمْ، اَعُوْذُ بِااللهِ مِنَ الشَّيْطَانِ الرَّجِيْم بِسْمِ
اللهِ الرَّحْمَنِ الرَّحِيْم : يَا أَيُّهَا
الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ
مِنْ قَبْلِكُمْ لَعَلَّكُمْ تَتَّقُونَ.
Samoge Allah Se maha ngoladhi,
se maha mearsa, se maha dekat, Ridho dek Bhadan kaule sadhaja. Karena sobung se
terpenting delem kaodien badhan kaule sadhaja nangeng hanya settong, enggi
kakdinto, Allah Ridho de` badhan kaule sadhaja. tor samoge ramadhan se badhan
kaule sadhaja jeleni, onggo-onggu menggugah tor ngobe badhan kaule sadhaja detdi
pribadi se ber akhlakul karimah.
Rasulullah SAW, suatu
saat anyata agi, mengapa beliau e utus ke bumi, ternyata risalah kenabian epon kuncina
sederhana, nanging mutlak sanget penting. aponapa rosul e utus ka dhunnya?
Beliau ajawab "innama buistu liutammima
makarimal akhlak”. saongguna hamba e utus dha` ka bumi coma ka
anggui nyamporna agi kamuljaan akhlak. Bersimbah aeng mata, pello bahkan dere
delem perjuangan epon beliau enggi kakdinto semata-mata kaanggui manussa,
sopaje ngagungi kesempurnaan tor kamoljeen akhlak.
Elmo se badhan kaule
sadhaja pelajari, ibadah se badhan kaule sadhaja lakoni, ujung epon enggi
kakdinto coma kasampornaan akhlakul karimah. Mila deri ka`dinto, pasera bisaos
se bedhi mengokor kesuksesan odhik epon, kata kunci epon enggi kakdinto
akhlakul karimah. Pasera bisaos oreng Islam se paleng bender pemahaman Islam
epon oladhi akhlak epon. Pasera bisaos oreng Islam se paleng samporna iman epon
“Ahsanuhum Khuluqa”, oreng se paleng samporna akhlak epon.
Pasera se paleng e
kasennengin Rasulullah SAW, tor se paling semak nalekana dibangkitkan e are
kiamat? Enggi kakdinto oreng se paleng samporna akhlak epon. mila deri kakdinto
hadirin sekalian, membangun nagere kakdinto tak bedhi bermartabat nanging e
awali kalaben mabegus akhlak.
Ramadhan, aropa agi sarana se
sanget penting monggu badhan kaule sadhaje kanggui bisa ngagungi akhlakul karimah.
Hikmah se bisa e pondut badhan
kaule sadhaje dari Romadhan :
1. Keyakinan : Allah SWT “Wahua
Ma`akum Ainama Kuntum Wa Allahu Bima Ta`Maluna Bashir”. (Surah Al-Hadid
Ayat : 4).
Aponapa oreng apoasa mak
tak ade`er tor nginum e beje lakguh otabe e seang are?, padahal, sobung se
nguladhi, padahal, sobung se menyaksikan? Karena kakdissa oning je` Allah
bersamanya. “Wahua Ma`akum Aina Kuntum” dan dia Allah bersamamu e
kakdimma bisaos, tor Allah maha Nguladhi, maha ngaoningi pan saponapan se
badhan kaule sadhaja lakoni. Jikalau kapan bisaos, e kakdimma bisasos badhan
kaule sadhaja yakin Allah “Qorib” maha dekat, As Sami`”
maha miarsah, “Al Bashir” maha ngoladhi, akadhi e are mangken
badhan kaule sdhaja e oladhi sareng Allah SWT, maka niscaya badhan kaule
sadhaja bedhi detdih oreng se ikhlas, oreng ikhlas kakdinto oreng se paleng
bahagia, oreng ikhlas kakdinto oreng se paleng mulje, oreng ikhlas kakdinto
oreng se paling selamet. Karena oreng ikhlas, bede oreng ponapa sobung oreng sama,
Allah ada. Oreng nguladhi ponapa bunten sama, Allah maha ngaoningi. Oreng muji
ponapa bunten sama, Allah senneng dha` oreng se alakoh kebajikan. Oreng se
ikhlas tak bedhi sibuk kalaben penilaian oreng laen, oreng ikhlas tak bedhi
sibuk kalaben topeng beden kaule sadhaja, oreng ikhlas yakin Allah SWT “yandhuru
ila Qulubikum wa A`malikum”, sibuk mabegus ateh sareng amal epon. mila
deri kakdinto oreng se dalam romadhana sukses, menang, inggi kakdinto, oreng se
tak sibuk kalaben penilaian epon oreng laen, tape sibuk kalaben penilaian epon
Allah SWT. niscaya Amal epon bedhi nikmat tor bedhi istiqomah.
2. Hikmah se satoros epon
dari Romadhan, se aromasa di tatap Allah SWT enggi kakdinto deddhi oreng se
jujur. “Shisiq”. Karena oreng se aromasa di tatap Allah SWT,
bedhi puas kalaben penilaian Allah, tor tak bisa ngiteg ka anggui berbuat tak
jujur. Jujur kakdinto pangkal kabegusen, karena Shidiq enggi
kakdinto Yahdi ilal Bir, mengantarkan dha` ka kabegusen tor Al
Birru yahdi ilal Jannah, kebegusen bedhi ngater badhan kaule sadhaja
de` ka soarge epon Allah SWT.
Nabi Muhammad SAW a
juang agi Islam kalaben kajujuran, setiap debu epon, benar, setiap janji epon
pasti e tepati, tor setiap amanah epon tak pernah e hianati. lantas
terbangunlah karir kamuljaan setak pernah elang kantos are mangken. Karena
sobung kasuksesan nanging harus bede kajujuren, sobung oreng sukses nanging kodu
bede kisah kajujuren epon, tor tak pernah bede kehancuran nanging di awali
kalaben katak jujuren, maka, pasera bisaos se bedhi ngukur sukses buntena
romadhan, oladhi kejujuran abha` dhibi` badhan kaule sadhaja.
oreng se abhajeng
benyak, oreng se apoasa benyak, oreng se haji benyak, oreng se asadekah jugen
banyak, tape se mangennes monggu ate bedhan kaule sadhaja enggi kakdinto, laggik
korang benyak oreng se jujur. Seyogyanya Romadhan kakdinto diawali kalaben
kajujuren badhan kaule sadhaja.
Hadirin sekalian…
Waspada.
Oreng nghargai, oreng hormat
dha` badhan kaule sadhaje benni karena katoronan, benni karena topeng badhan
kaule sadhaja, tor benni karena jabatan bedhan kaule sadhaje, tape bedhan kaule
sadheje bisa e argei oreng, e hormat oreng laen, karena Allah notope de` ka aib
bedhan kaule sadhaja, maksiat badhan kaule sadhaja, kajubeen badhan kaule
sadhaja, tor kakorangan bedhan kaule sadhaja, Allah tutupi, saengge oreng laen laggik
bisa menghargai tor ngormat dha` badhan kaule sadhaja.
Oreng se tak jujur bedhi
sibuk menikmati topengnya, napa artena topeng bagus namun esse epon jubek, napa
artena mobil begus, namun kalakoan saarena hina, napa artina kedudukan tenggi namun
kalakoan sa arena nista. Onggu benyak oreng se tak jujur dhak ka abhe`na
dhibik, aromasa bangga, kalaben topeng epon beng sebeng, padahal atena jube`, Naudzubillahi
min Dzalik,
kakdinto para hadirin,
kesempatan kaule sadhaje ka anggui jujur, bahwa badhan kaule sadhaje e hormadhi
oreng, karena Allah laggik notope de` ka Aib badhan Kaule sadhaje.
manabi badhan kaule
sdehaje jujur ka abhe` dhibik, tak bekal bangga nalekana e hormadhi pasera
bisaos, karena oreng laen hormat, coma hormat dhe` katopeng bedhan kaule
sadhaja, tak bekal merasa hina nalekana e hina pasera bisaos, karena penghinaan
oreng dha` badhan kaule sadhaja, jauh masih lebih begus ebendhing kehinaan se
Allah SWT totobi selama ini.
Oreng se jujur de` ka
Abha` Dhibik, bedhi kaloar aeng mata tobat, oreng se bisa nangis dhe` ka dusa-dusa
epon, kakdinto oreng se bedhi aobe. Oreng se tak jujur dha` ka abekna dhibik, tak
mungkin jujur de` oreng laen.
Romadhan adaddi agi
oreng se saharusse berkometmen deddhi manussa se jujur, terpercaya sampek mate.
Jauh lebih baik e hina oreng, karena jujur. daripada e hormat, e puji oreng
karena munafik tak jujur. Naudzubillahi Min Dzalik.
Malarmandhar bedhan
kaule sadhaja termasuk oreng-oreng se istiqomah e dalam kajujuran, apapun
resiko epon. Karena kakdinto se bedi ma molje bahdan kaule sadhaja.
Allahu Akbar 5x wa
lillahilhamd
Jamaah Shalat `Id
rahimakumullah
Hikmah se saterros epon
dari Ramadhan, oreng se bedhi sukses enggi kakdinto, ingat… Allah SWT pernah
asompa 7 kale dalam sorat Asy-Syams, Allah tak pernah Asompa Sebanyak kakdinto,
nangin coma negges agi “Qod Aflaha Man Zakkaha, wa Qod Khoba Man
Dassaha”. Onggu-onggu sanget ontong oreng se masocce jiwa epon, merugi
oreng se makotor jiwa epon.
Pasera oreng se paleng
ontong, enggi kakdinto, setiap bekto selalu a mujahadah. Maberse ateh. Tellasan
benyak se akalambi begus, indah tor takok ka kotor. tape saponapa benyak oreng
se tak pernah takok atena kotor, padahal kebahagiaan, kamuljeen, agentong de`
ka kasoccean ate bedhen kaule sadhaja. Onggu benyak oreng se paham agema, tape
akhlak epon tak sesuai kalaben aturan agema, karena oreng kakdinto hanya sibuk
ajer ka anggui kapenteran akkal, tape tak sibuk bermujahadah ka anggui kacerdasan
ate epon.
Oreng penter sareng
oreng cerdas kakdinto bidheh. Oreng penter coma bisa enga`, tape manabi oreng
cerdas kakdinto bisa berbuat. Mila deri kakdinto, badhan kaule sadhaje butuh se
anyama kacerdasan, manabi bedhan kaule sadhaja seneng bermujahadah. Maka paste
agi, ramadhan taon mangken kakdinto lebbi begus katembeng romadhan taon sabelluna,
inggi kakdinto hidup kalaben bermujahadah “Qod Aflaha Man Zakkaha, wa Qod
Khoba Man Dassaha”.
Penutup, Jamaah Shalat
`Id rahimakumullah
Se terakhir, hikmah
ponapa deri romadhan kakdinto?
-
Keyakinan kepada Allah, Allah Maha ngaoningi, Allah
maha miarsa tor maha Semma`
-
Senantiasa bermujahadah
-
Se nomer telok, akadi se edebu agi delem surah Al
Ma`un, Audzubillahi minas syaitanir rajim : Aroaital ladzi Yukadibu
Biddin, Fadzalikal ladzi Ya Du`ul Yatim Wa La Yahuddu Ala Thoamil Miskin
Onenga sampan dha` ka
oreng se mendustakan agema, enggi kakdinto, oreng se tak ngagungi perasaan,
bersikap kasar dek ka nak kanak yatim, tor oreng se tak aberrik de`eren dhe` ka
oreng misken. Artena ponapa?
Sehebat apapun elmu
agema badhan kaule sadhaja, se hebat apaun pengamalan ibadah badhan kaule
sadhaja, tape mun tak peduli de` ka oreng laen, tak peka, maka badhan kaule
sadhaja tamasok oreng-oreng se mendustakan agema. “Khairun Nas, Anfa`uhum
Lin Nas”. Sagus begusse manussa enggi kakdinto, amanfaat monggu oreng
laen. Sobung artena benyak elmu, tape elmuna taka manfaat, Sobung artena benyak
harta, manabi hartana epon tak a manfaat. Nilai seseorang je` okor deri pona se
e kaandik, tape okor deri ponapa se bisa e begi dha` ka selaen.
Mila deri kakdinto,
ngireng badhan kaule sadhaja, okor ka suksesan badhan kaule sadhaja, benni deri harta se e
pakompol, benni deri Gellar se possak, benni deri jabatan se tenggi. Tape okor
kesusksesan bedhan kaule sadhaja dari berapa benyak oreng-oreng se bisa e bento
sareng bedhan kaule sadhaja. mate delem kabedeen penuh manfaat, kakdinto
kematian terhormat daripada coma arassa ngaandik tape tak bisa aberrik manfaat.
Naudzu billahi Min Dzalik.
Samoge, saampona bedhan
kaule sadhaja paleman dari tempat kakdinto, badhan kaule sadhaja tak bangga
kalaban tabungan se coma sekedar catatan, tape bedhan kaule sadhaja asokkor,
benyak se lapar se bisa adeer deri tetesan keringat bedhan kaule sadhaja,
benyak nak-kanak asakolah, deri tetesan pello bedhan kaule sadhaja. Bagi kita
secukupnya saja, tape manfaat epon adalah sebesar-besarnya.
بَارَكَ الله ُلِيْ وَلَكُمْ فِيْ
القُرْآنِ العَظِيْمِ وَنَفَعَنيِ وَاِيّاَكُمْ بِمَافِيْهِ مِنَ الايةِ و الذِّكْرِ
الحَكِيْمِ. وَتَقَبَّلَ مِنِّيْ وَمِنْكُمْ تِلاَوَتَهُ اِنَّهُ هُوَ السَّمِيْعُ
العَلِيْمُ
KHUTBAH KE-DUA
الله ُأَكْبَرُ –
الله ُأَكْبَرُ – الله ُأَكْبَرُ – الله ُأَكْبَرُ – الله ُأَكْبَرُ – الله
ُأَكْبَرُ - الله ُأَكْبَرُ كَبِيرًا. وَاْلحَمْدُ للهِ كَثِيْرًا
وَسُبْحَانَ اللهِ بُكْرَةً وَ أَصْيْلاً, لاَ اِلَهَ اِلاَّ اللهُ وَاللهُ
اَكْبَرْ اللهُ اَكْبَرْ وَللهِ اْلحَمْدُ. اْلحَمْدُ
للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ.
وَاَشْهَدُ اَنْ لاَ اِلَهَ اِلاَّ اللهُ وَاللهُ وَحْدَهُ لاَ شَرِيْكَ لَهُ,
لَهُ تَعْظِيْمًا لِشَأْنِهِ. اللهُمَّ
صَلِّ عَلَى سَيِّدِنَا مُحَمَّدٍ وِعَلَى اَلِهِ وَاَصْحَابِهِ وَسَلِّمْ
تَسْلِيْمًا كِثيْرًا. اَمَّا بَعْدُ فَياَ اَيُّهَا النَّاسُ, اِتَّقُوااللهَ
فِيْمَا اَمَرَ وَانْتَهُوْا عَمَّا نَهَى وَزَجَرَ.
Jamaah shalat Idul Fitri rahimakumullah.
Ka anggui ngakhiri khutbah e pagi ka`dinto, ngireng sami-sami do`a dha`
ajunan epon Allah SWT. a do'a ka anggui abha` dhibi`, umat Islam, tor negara
Indonesia nyopre e pasalamet dari sadhaja musibah, fitnah tor laen epon. Ngireng
sami-sami nyo`on kalabhan ikhlas, nyo`on ka ajunan epon Allah SWT se maha
pengase tor maha penyayang. Allah se angrajai Alam semesta, Allah se ngodhali sadhaja
makhluk epon.
Allahumma ya Allah se Maha Pangaseh, hamba abdi dhalem se lemah
ka`dinto tor se sering noro` dha` ajeghan syetan, saenggana bergelimang dusah
tor kasalaan, e pagi ka`dinto, e dalem Masjid Nurul Jadid ka`dinto, abdina a
sojud tor nyembha de` ajunan.
Allahumma ya Allah, pangiran se angrajai Alam Semesta, se Maha
Succe, tor Maha Bijaksana, abdi dhalem deteng ngadhep de` ajunan kalabhan a kabhadaan
maloh sambil mengetuk pintu rahmat epon ajunan, nyopre ampunan tor tobat atas
sadhaja dusa tor ka enaan.
Allahumma ya Allah, Ampon benyak kasalahan tor kahilafan se ampon
abdi dhalem lakoni, seandainya ajunan tak apareng ampunan, maka tanto bisasos
abdi dhalem badhi ta golong dha` oreng-oreng se rogi karena ngaolle azab tor ka
enaan.
Allahumma ya Rabbi, sapora agi sadhaje dusa tor kesalaan oreng
seppo abdinah sadhaje, ebu tor Bapak abdhina se ampon marateni, malae tor
marajhe abdinah kalabhan sadhaje kepayaan tor penderitaan epon. Tanpa abdina
sadari, ampon tak kabileng dusa kedurhakaan se abdinah lakoni dha` oreng seppo
abdinah. ampon sering abdinah nyake`e ate tor ma gegger aeng mata epon.
Onggu-onggu rajeh dusa tor kasalaan dha` oreng seppo abdinah. Milana dari
ka`dinto abdina nyoon, dha` ajunan ka anggui nyaporah dha` dhusa epon ka dua
orang seppo abdina, kasihanilah orang seppo abdina, tarema sadhaja amal bakti
epon, tor tempatkanlah oreng seppo abdinah e tempat se paleng molje monggu
ajunan, tor pakompol agi orang seppo abdina kalabhan oreng oreng-oreng se
ontung.
Ya Allah, raksa agi abdinah sadhaje deri sadhaja musibah se ampon
ajunan toron agi dha` ka bumi. Abdina yakin, coma ajunan se mampu ngodhali.
Manabi ka`dinto aropa agi ujian, maka abdina nyo`ona kakoadhan lahir tor batin
ka anggui bisa ngadhabbi kalabhan penuh kasabbharan tor ketaqwaan.
